პენტაგონი 1.2 მილიარდ დოლარის კონტრაქტს აფორმებს კომპანია Raytheon Technologies-სთან, რომელმაც უკრაინას 6 ამერიკული საჰაერო თავდაცვის სისტემა “ნასამსი” (NASAMS) უნდა გადასცეს.
აშშ-ს თავდაცვის დეპარტამენტმა აღნიშნა, რომ სამუშაოები მასაჩუსეტსის ქალაქ ტეუკსბერში შესრულდება და მათი სავარაუდო დასრულების თარიღით 2025 წლის 28 ნოემბერია.
შეერთებულმა შტატებმა დაამტკიცა უკრაინისთვის ჯამში რვა NASAMS-ის გაგზავნა რუსული რაკეტებისა და თვითმფრინავების თავდასხმების თავიდან ასაცილებლად. ნოემბერში უკრაინამ 2 NASAMS საჰაერო თავდაცვის სისტემა უკვე მიიღო.
ეს ექვსი NASAMS სისტემა იყო უკრაინის უსაფრთხოების დახმარების ინიციატივის მეხუთე (USAI) პაკეტის ნაწილი, რომელიც გამოცხადდა 24 აგვისტოს და რომლის საერთო ღირებულება 2,98 მილიარდი დოლარია.