უკრაინის ენერგოსისტემის აღდგენა ამ ზამთარს სრულად შეუძლებელია, – ამის შესახებ უკრაინის რადას ენერგეტიკის კომიტეტის თღავმჯდომარემ ანდრეი გერუსმა განაცხადა.

“უკრაინის ენერგოობიექტები რუსული რაკეტების მუდმივი სამიზნეა, ევროპაში არ არსებობს ისეთი მოწყობილობები, რომლებიც უკრაინის საჭიროებებს უზრუნველყოფს ასეთ პირობებში, ასეთი მოწყობილობების დასამზადებლად, მინიმუ, 6 თვეა საჭირო”, – აცხადებს რადის კომიტეტის თავმჯდომარე.

ამავე დროს, The New York Times იტყობინება, რომ აშშ აპირებს შექმნას საკონტაქტო ჯგუფი, რომელიც უკრაინაში ისეთი მოწყობილობების ჩატანას უზრუნველყოფს, რაც დაზიანებული ინფრასტრუქტურისგან გამოწვეულ ზარალს მნიშვნელოვნად შეამცირებს და ომის პირობებში გამართლებული იქნება.  ძირითადად, საუბარია გენერატორებზე, ტრანსფორმატორებზე და სხვაა მოწყობილობებზე, რომლებიც ენერგოქსელის სწრაფი რეაბილიტაციისთვისაა საჭირო მას შემდეგ, რაც ენერგოსისტემა რუსი ოკუპანტების მთავარი სამიზნე გახდა.