შევწყვიტე ფიქრი, დაწყნარდით, არავის სკამს საფრთხე არ ემუქრება – ჭიაბერაშვილი ენმ-ს თავმჯდომარეობაზე

0
188

პოლიტიკოსი ზურაბ ჭიაბერაშვილი “ერთიანი ნაციონალური მოძრაობის” თავმჯდომარის პოსტზე საკუთარ კანდიდატურას არ დააყენებს. ამის შესახებ მან “მთავარი არხის” გადაცემა “ღამის მთავარში” ისაუბრა.

ჭიაბერაშვილმა მესამე პრეზიდენტის ჯანმრთელობის მდგომარეობასთან დაკავშირებით თქვა, რომ ახლა ყველაზე მნიშვნელოვანი მიხეილ სააკაშვილის სიცოცხლის გადარჩენა და ივანიშვილის რუსული რეჟიმის დამარცხებაა.

“რა მორალით უნდა გაუსწოროთ სარკეში საკუთარ თავს თუ ეს ადამიანი მოკვდება და თუ პუტინი და ივანიშვილი ხაზს გადაუსვამენ იმ პატარა წარმატებას, რაც ამ 30 წლის განმავლობაში გვქონდა. თავმჯდომარეობის საკითხს რომ დავუბრუნდე, შევწყვიტე ფიქრი, დაწყნარდით, არავის სკამს საფრთხე არ ემუქრება, მაგრამ ვისაც გინდათ ლიდერობა, ერთმანეთს დაურეკეთ და ხვალ ერთად დაენახეთ ხალხს – აჩვენეთ, რომ პარტია არ გაიხლიჩება. გაცილებით მწარე იქნება ის შედეგი, რაც შეიძლება ამ არჩევნების შემდეგ დადგეს, თუ ადამიანებს ერთიანობის განცდა არ აქვთ და არ აქვთ იმის განცდა, რომ ივანიშვილს და პუტინს მხოლოდ ერთიანობით შეიძლება მოვუგოთ”, – თქვა ზურაბ ჭიაბერაშვილმა.

ცნობისთვის, 26 ნოემბერს ზურაბ ჭიაბერაშვილმა თქვა, რომ ის ენმ-ის თავმჯდომარეობის არჩევნებში მონაწილეობაზე ფიქრობს.

წინა სტატიამოვუწოდებთ ხელისუფლებას, გაათავისუფლოს მიხეილ სააკაშვილი, რათა მკურნალობის შესაძლებლობა მიეცეს – ფოტიგა
შემდეგი სტატიაუკრაინა აგრესიაზე პასუხისგებისთვის სპეციალური ტრიბუნალის შექმნაზე მუშაობს
ტელეკომპანია ოდიშის საინფორმაციო სამსახური