უკრაინის შეიარაღებული ძალების გენერალური შტაბის ცნობით, რუსეთის არმია აგრძელებს შეტევით მოქმედებებს ბახმუტის მიმართულებით, ხოლო თავდაცვითი პოზიციები უჭირავს კუპიანსკის, ნოვოპავლოვსკის, ზაპოროჟიის, ხერსონისა და ლიმანის მიმართულებებზე.
ზაპოროჟიის ოლქის დასახლებებში რუსული სარაკეტო დარტყმებისგან დაზიანდა სამოქალაქო ინფრასტრუქტურა. ასევე, ოკუპანტებმა 20-ზე მეტი ავიადარტყმა განახორციელეს უკრაინელთა პოზიციების მიმართულებით. სარაკეტო დარტყმებისგან დაზიანდა ასევე ხერსონი.
ლუგანსკის ოლქის დახალება ხრუსტალნოეში (რუსული მხარე დასახლებას “კრასნი ლუჩს” უწოდებს), საოკუპაციო ძალებმა გამოაცხადეს მობილიზაციის დასრულების შესახებ, ხოლო იმ მოქალაქეებს, ვისაც დასახლების დატოვება სურთ, გასასვლელებში მოწყობილ საკონტროლო პუნქტებზე მკაცრად ამოწმებენ.
ZSU-ს ავიაციამ 17 დარტყმა განახორციელა. დადასტურებულია რუსული შენაერთის ლიკვიდიაცია ზაპოროჟიის ოლქში.