პოლონეთის ერთ-ერთ ქალაქში აფთიაქის დაცვის თანამშრომელი დაჭრეს. პოლიციის ცნობით, შემთხვევა მაშინ მოხდა, როდესაც კაცი ქურდობის მცდელობის აღკვეთას ცდილობდა – ინფორმაცია პოლონურ მედიაში ვრცელდება.
გამოცემის ცნობით, სავარაუდო დამნაშავე, საქართველოს მოქალაქე, უკვე დაკავებულია.
“შემთხვევა პარასკევს, ღამის 12 საათის შემდეგ, ტარგოვას 33-ში მდებარე აფთიაქში მოხდა.- საქართველოს მოქალაქე დაცვის თანამშრომელმა ქურდობის მცდელობისას გამოიჭირა. როდესაც მოპარული ნივთების დატოვება მოსთხოვეს, ჩხუბი დაიწყო და დანით დაცვის თანამშრომელი დაჭრა”- წერს პოლონური მედია.
დაშავებული დაცვის თანამშრომელი საავადმყოფოში გადაიყვანეს, ის კონტაქტურია და მის სიცოცხლეს საფრთხე არ ემუქრება. თავდამსხმელი პოლიციის განყოფილებაშია.