რუმინეთის პარლამენტმა “ჰოლდომორი” კაცობრიობისა და უკრაინელი ხალხის წინააღმდეგ დანაშაულად აღიარა. დეკლარაციას მხარი 248-მა დეპუტატმა დაუჭირა, ერთმა თავი შეიკავა.

რუმინელმა დეპუტატებმა და სენატორებმა ხმა მისცეს რუმინეთის პარლამენტის დეკლარაციას 1932-1933 წლებში საბჭოთა ოკუპაციის შედეგად უკრაინელი ხალხის განზრახ შიმშილის (ჰოლოდომორის) დაგმობის შესახებ.

რუმინეთის მმართველი ნაციონალური ლიბერალური პარტიის დეპუტატმა ალექსანდრუ მურარუმ ხაზგასმით აღნიშნა, რომ რუმინეთი, ისტორიული გადაწყვეტილებით, უერთდება მსოფლიოს დემოკრატიულ და ღირსეულ სახელმწიფოებს, რომლებიც აღიარებენ არა მხოლოდ 1932-1933 წლის შიმშილის მსხვერპლთა ხსოვნას.

მისი თქმით, ეს არის „საბჭოთა კავშირისა და მისი ლიდერების მიერ გენოციდური, სისტემატური, პირდაპირი, ცინიკური, კრიმინალური ქმედებების აღიარება უკრაინელი ერის ფიზიკური განადგურების მიზნით“.

ამავდროულად, დოკუმენტი სოლიდარობას უცხადებს უკრაინელ ხალხს, რომელიც დაზარალდა ამ ტრაგედიაში და პატივს მიაგებს 1932-1933 წლების ხელოვნური შიმშილის მილიონობით მსხვერპლს