უკრაინის შეიარაღებული ძალების გენშტაბი დილის ცნობებს აქვეყნებს, სადაც მოცემულია საერთო სურათი ბოლო 24 საათის განმავლობაში, უკრაინის მთელ ტერიტორიაზე.
უკრაინელებმა დღე-ღამის განმავლობაში მტრის შეტევები მოიგერიეს ბახმუტის, ანდრეევკის, კლეშეევკის, კრასნოგოროვკის, მარინკის, ოზერიანოვკის, ოპიტნისა და იაკოვლევკის მიმართულებით.
რუსეთის შეიარაღებულმა ძალებმა, გასული დღე-ღამის განმავლობაში, უკრაინის მიმართულებით გაუშვეს 78 რაკეტა, ასევე, განახორციელეს 23 საავიაციო დარტყმა. მათ “ანგარიშში” ასევე, არის უკრაინელთა პოზიციების მიმართულებით 70-ზე მეტი გასროლა ზალპური ცეცხლის სისტემებიდან.
ასევე, დღე-ღამის განმავლობაში, მასირებული სარაკეტო შეტევის განმავლობაში აფეთქებები მოხდა კიევის, კიევის ოლქის, ვინიცის, ლვოვის, კიროვოგრადის, ზაპოროჟიის, ხარკოვის, დონეცკის დასახლებულ პუნქტებში, საითაც რუსმა ოკუპანტებმა 67 ფრთოსანი რაკეტა და 10 უპილოტო საფრენი აპარატი გაუშვეს. აქედან 51 რაკეტა და 5 უპილოტო საფრენი აპარატი უკრაინულმა ჰსთ სისტემებმა ჩამოაგდეს.