მოძრაობა “საქართველოსთვის” აქტივისტი, გიორგი მუმლაძე, იმ სამოქმედო გეგმასა და ამოცანებზე საუბრობს, რომელსაც ის ენმ-ს თავმჯდომარედ არჩევის შემთხვევაში განახორციელებს.
კანდიდატის თქმით, მისთვის მთავარ პრიორიტეტებს სააკაშვილის გათავისუფლების კამპანია, საპროტესტო მოძრაობა, პარტიის ფინანსური გამჭვირვალობა და საზღვარგარეთ წარმომადგენლობების შექმნა წარმოადგენს.
აუცილებლად დაიწყება კამპანია მიხეილ სააკაშვილის გათავისუფლების და ეს იქნება რუსი ოლიგარქის იძულების კამპანია, რომელიც მიემართება მთელი ქვეყნის მასშტაბით საპროტესტო მოძრაობის დაწყებით. დაიწყება და გაგრძელდება უშუალოდ ბიძინა ივანიშვილის სახლებთან და „ქართული ოცნების“ ოფისებთან, რაც საბოლოო ჯამში, აი, აქ რუსთაველზე ძალიან დიდ პროტესტს მოიტანს და ამ პროტესტით დასრულდება რუსული რეჟიმი.
პარტია უნდა გახდეს აქტიური მხარდამჭერების კუთვნილება, დაინერგება ფინანსური გამჭვირვალობის ახალი მოდელი. ყოველ სამ თვეში პარტია წარადგენს ფინანსურ ანგარიშს. უნდა დაინერგოს შიდა დემოკრატიის მაღალი სტანდარტი.
ყველა თანამდებობა იქნება არჩევითი, პოლისაბჭო გახდება მთავარი პოლიტიკური ორგანო, რომელიც თვეში ერთხელ შეიკრიბება და შეამოწმებს, რაელაურად, რას აკეთებს პარტია. ყველა დიდ ქვეყანაში, სადაც ჩვენი ემიგრანტების დიდი კოცენტრაციაა, იქ გაიხსნება ჩვენი წარმომადგენლებობი. თუ ფორმალური რაიმე შეფერხება არ მქონდა, მე არავითარ შემთხვევაში არ მოვხსნი კანდიდატურას. ეს აბსურდია. – ამბობს გიორგი მუმლაძე.