ზუგდიდში 14 წლის საბა მამფორიას მკვლელობისთვის დაკავებულ მოზარდს ბრალი წარუდგინეს. 17 წლის მოზარდს გამოძიება არასრულწლოვნის მიმართ წინასწარი შეცნობით დამამძიმებელ გარემოებაში განზრახ მკვლელობას ედავება.
ე.ც.-ს აღკვეთის ღონისძიებაზე სასამართლო რამდენიმე საათთში იმსჯელებს.
“პირველების” ინფორმაციით, მოზარდს ადვოკატი კობა ტაბაღუა აღარ დაიცავს. რა გახდა აცილების მიზეზი ამ ეტაპზე უცნობია.
სასტიკი მკვლელობა ზუგდიდში, მესხიას ქუჩაზე ერთ-ერთ მიტოვებულ ფარდულში მოხდა. გამოძიების ინფორმაციით, დაკავებულმა 14 წლის საბა მამფორიას გულ-მკერდის არეში ე.წ. სპიცით სასიკვდილო ჭრილობები მიაყენა. მოზარდი სავადმყოფოში მიყვანამდე გარდაიცვალა.