ზელენსკი უკრაინელებს სთხოვს შეზღუდონ ელექტროენერგიის მოხმარება

0
191

უკრაინის პრეზიდენტმა ვოლოდიმირ ზელენსკიმ საღამოს ტრადიციულ ვიდეო მიმართვაში კიდევ ერთხელ მოუწოდა ბიზნესს და რიგით უკრაინელებს განაგრძონ ელექტროენერგიის დაზოგვა, რადგან 21 ნოემბერს ენერგეტიკოსებს კვლავ მოუწიათ ელექტროენერგიის არაგეგმიური შეწყვეტა უკრაინის რიგ რეგიონებში.

მისი განცხადებით, არაგეგმიური გამორთვა გამოწვეული იყო მოხმარების უფრო მაღალი დონით, ვიდრე ამ დროისთვის ქვეყანას შეუძლია.

“მინდა მივმართოთ რეგიონული ხელისუფლებისა და ადგილობრივი თემის ყველა წარმომადგენელს: გთხოვთ, არ შეწყვიტოთ ელექტროენერგიის რაციონალური მოხმარების შესახებ კომუნიკაცია.

რა თქმა უნდა, ენერგეტიკის მუშაკები, კომუნალური მომსახურების მუშაკები, მაშველები და ყველა მონაწილე მაქსიმალურად მუშაობს. მაგრამ რუსი ტერორისტების თავდასხმების შედეგად ჩვენი ენერგეტიკის სფეროს სისტემური ზიანი იმდენად მნიშვნელოვანია, რომ ჩვენი ყველა მოქალაქე და ბიზნესი ძალიან ეკონომიური უნდა იყოს და მოხმარების განაწილება უნდა მოხდეს დღის საათების მიხედვით”, – ამბობს ზელენსკი.

მისი თქმით, განსაკუთრებით მძიმე ვითარებაა კიევის, ვინიცას, სუმის, ტერნოპოლის, ჩერკასის, ოდესის რაიონებში და ზოგიერთ სხვა დასახლებაშიც.

წინა სტატიამარტივად რომ ვთქვათ, ეს ზამთარი გადარჩენაზე იქნება – ჰანს კლუგე უკრაინაზე
შემდეგი სტატიაპეკინში, ეპიდვითარების გაუარესების გამო, პარკები და მუზეუმები დაიხურა
ტელეკომპანია ოდიშის საინფორმაციო სამსახური