კრემლის დაკვეთით, რუსეთის რეგიონებში მოქალაქეებს შორის საიდუმლო სპეცგამოკითხვა ჩაატარეს, რათა ომისადმი რუსების დამოკიდებულება გაერკვიათ, – ამის შესახებ “მედუზა” საკუთარ, კრემლთან დაახლოებულ წყაროზე დაყრდნობით წერს.
გამოცემის თანახმად, ფოკუს-ჯგუფების მონაცემები ნათლად მიანიშნებს, რომ რუსეთის მოქალაქეები ოპტიმისტურად არ არიან განწყობილნი არც მათი და არც ქვეყნის მომავლის მიმართ.
“ეს არა რის ოპოზიციაში გადასვლა ან ე.წ. სპეცოპერაციის სრული კრიტიკა და მიუღებლობა, ეს გულგრილობა და აპათიაა. მათ არაფერი აღაფრთოვანებთ, წინ არ მიუწევთ გული, უბრალოდ, უნდათ, რომ მათ შეეშვან, თავი გაანებონ”, – მოჰყავს გამოცემას ერთ-ერთი გამოკითხულის სიტყვები.
შეგახსენებთ, ეს თითქმის პირველი შემთხვევაა, როცა რუსეთში ჩატარებული გამოკითხვა ომის შესახებ არააგრესიულია, თუმცა, სავარაუდოდ, ამის მიზეზი ისაა, რომ გამოკითხვა გასაიდუმლოებული იყო და გამოკითხულებმა არ იცოდნენ, რომ მის ორგანიზებაში კრემლის ხელი ერია.