ზუგდიდში არასრულწლოვნის მკვლელობის ფაქტს შსს 109-ე დამამძიმებელ გარემოებებშ განზრახ მკვლელობის მუხლით იძიებს

0
287

შემზარავი ტრაგედია ზუგდიდში, რასაც 15 წლის მოზარდის გარდაცვალება მოჰყვა. თვითმხილველების განცხადებით, ახალგაზრდებს შორის კონფლიქტი და შელაპარაკება საღამოს რვა საათზე ქალაქის ცენტრში, მესხიას ქუჩაზე მდებარე სტადიონზე ფეხბურთის თამაშისას დაიწყო.

ახალგაზრდები რამდენიმეწუთიანი ჩხუბის შემდეგ დაიშალნენ, მაგრამ კამათის ერთ-ერთი მონაწილე მალე უკან მძიმედ დაჭრილი დაბრუნდა და შველა ითხოვა. დანით დაჭრილმა მოზარდმა გონება მალევე დაკარგა და როგორც ზუგდიდის რეფერალურ საავადმყოფოში აცხადებენ, ის კლინიკაში მიყვანამდე გზაში გარდაიცვალა. 
სამართალდამცავებმა ზუგდიდში მომხდარი მკვლელობიდან მალევე ორი პირი დააკავეს. შსს ფაქტს 109-ე დამამძიმებელ გარემოებებში განზრახ მკვლელობის მუხლით იძიებს.

წინა სტატიამოსკოვში ხანძარმა 7 ადამიანი იმსხვერპლა
შემდეგი სტატია23 ნოემბერს პარლამენტთან მიხეილ სააკაშვილის მხარდამჭერი აქცია გაიმართება
ტელეკომპანია ოდიშის საინფორმაციო სამსახური