ზუგდიდში 15 წლის მოზარდის მკვლელობის ბრალდებით 17 წლის პირი დააკავეს

0
318

შინაგან საქმეთა სამინისტროს განცხადებით, ზუგდიდში, 15 წლის მოზარდის მკვლელობის გამო 17 წლის პირი დააკავეს. უწყება 2005 წელს დაბადებული ე.ც.-ს არასრულწლოვნის მიმართ დამამძიმებელ გარემოებაში ჩადენილი განზრახ მკვლელობას ედავება.

“გამოძიებით დადგინდა, რომ ბრალდებულმა ზუგდიდში, ურთიერთშელაპარაკების ნიადაგზე, ცივი იარაღით სხეულზე რამდენიმე ჭრილობა მიაყენა არასრულწლოვანს – 2007 წელს დაბადებულ ს.მ.-ს, რომელიც საავადმყოფოში მიყვანამდე გარდაიცვალა”, – წერია შსს-ს განცხადებაში.

გამოძიება საქართველოს სისხლის სამართლის კოდექსის 109-ე მუხლის “ე” ქვეპუნქტით მიმდინარეობს, რაც წინასწარი შეცნობით, არასრულწლოვნის მიმართ, დამამძიმებელ გარემოებაში ჩადენილ განზრახ მკვლელობას გულისხმობს.

წინა სტატიამედიკამენტების რეფერენტულ ფასზე მაღალ ფასში რეალიზაცია შესაძლოა, აიკრძალოს
შემდეგი სტატიაზუგდიდში მომხდარი მკვლელობის საქმეზე 17 წლის ბიჭი დავაკავეთ – შსს
ტელეკომპანია ოდიშის საინფორმაციო სამსახური