საქართველოს მესამე პრეზიდენტი მიხეილ სააკაშვილი სოციალურ ქსელში წერს, რომ სპეკულაციები მისი მოწამვლის თემაზე მიუღებელია. მისი თქმით, არცერთი თავისი ადვოკატისთვის არასდროს უთქვამს, რომ მოწამლვაზე აქვს ეჭვი.
“მინდა განვაცხადო, რომ არასდროს არცერთი ჩემი ადვოკატისთვის არ მითქვამს, რომ ეჭვი მაქვს მოწამვლაზე. სპეკულაციები ამ თემაზე უადგილოა.
დიდი მადლობა მინდა ვუთხრა სამედიცინო საზოგადოებას მხარდაჭერისთვის. ძალიან ვაფასებ მათ პროფესიულ თანადგომას. ჩემი ჯანმრთელობის მდგომარეობა მართლაც უარესდება და განსაკუთრებით დამძიმდა ამ ბოლო ორ თვეში. ვივამედის ექიმები მცდელობას არ აკლებენ. მნიშვნელოვანია, მივენდოთ სპეციალისტებს და ამ საკითხის ზედმეტი პოლიტიზება არ არის საჭირო.
კიდევ ერთხელ დიდი მადლობა ყველას,” – წერს მიხეილ სააკაშვილი. შეგახსენებთ, ეჭვი მიხეილ სააკაშვილის მოწამლვაზე მას შემდეგ გაჩნდა, რაც გავრცელდა განცხადება, რომ ექსპერტიზამ დაადასტურა მესამე პრეზიდენტის ორგანიზმში ვერცხლისწყლის არსებობა.