თავრობის კანცელარიასთან ამ წუთებში მიხეილ სააკაშვილის მხარდამჭერი აქცია მიმდინარეობს,სადაც მესამე პრეზიდენტის ოჯახის წევრები არიან შეკრებილი.
მიხეილ სააკაშვილის ძმა, გიორგი სააკაშვილმა ჟურნალისტებთან კომენტირებისას ხაზგასმით აღნიშნა, რომ მიხეილ სააკაშვილის დიაგნოზები საფუძველია იმისა, რომ მესამე პრეზიდენტი დაუყონებლივ იქნას გადაყვანილი უცხოეთში, შესაბამის სამედიცინო დაწესებულებაში.
“მთავარი მოთხოვნაა რაც შეიძლება მალე მოხდეს მისი საზღვარგარეთ შესაბამის სამკურნალო კლინიკაში გაშვება, რაც ითვალისწინებს ხანგრძივ რეაბილიტაციის კურსს. ვინაიდან ადგილზე ვხედავთ, რომ მისი მდგომარეობა ვერ გაუმჯობესდა და დღითიდღე უარესდება. გავიხსენოთ, რომ “ვივამედში” შევიდა თავისი ფეხით და დღესდღეობით გადაადგილების უნარიც არ აქვს. ადამიანი იღუპება პირდაპირი გაგებით. ერთადერთი გამოსავალი – მოხდეს საზღვარგარეთ მისი გადაყვანა”,- ამბობს გიორგი საააკაშვილი.
შეგახსენებთ, რომ მიხეილ სააკაშვილის სამკურნალოდ საზღვარგარეთ გადაყვანის მოთხოვნით კანცელარიასთან აქცია იმართება. აქციაზე იმყოფებიან მიხეილ სააკაშვილის ოჯახის წევრები, მედიკოსები, მისი მხარდამჭერები და ერთიანი ნაციონალური მოძრაობის წევრები.