“მტკიცებულებებს სასამართლოში წარვადგენთ” – ადვოკატი სააკაშვილის შესაძლო მოწამვლაზე

0
206

მესამე პრეზიდენტის ადვოკატი ამბობს, რომ მისი დაცვის ქვეშ მყოფის შესაძლო მოწამვლასთან დაკავშირებით ყველა მტკიცებულებებს სასამართლოში წარადგენს. შალვა ხაჭაპურიძე ნაჩქარევი განცხადებების გაკეთებას ერიდება, თუმცა ამბობს, რომ სხვადასხვა მიმართულებებით უამრავი მტკიცებულება და დოკუმენტაცია გააჩნიათ.

მე არ მინდა მოვლენებს გავასწრო, საქმის მასალებს თუ კარგად წავიკითხავთ, საქმის მასალებიდან ზუსტად ჩანს, სად გახდა ეს ადამიანი განსაკუთრებულად ცუდად გონების კარგვის პირველ ეპიზოდზეა საუბარი. შემდეგ მას სამჯერ ჰქონდა კიდვ გონების კარგვის ეპიზოდი. თუ რაიმე მტკიცებულებების წარდგენას ვაპირებთ, წარვადგენთ სასამართლოში, პრობლემა არ არის. ჩვენ ვემზადებით, უამრავი დოკუმენტაცია გვაქვს, უამრავი მტკიცებულება გვაქვს სხვადასხვა მიმართულებით, – ამბობს ადვოკატი.

მიხეილ სააკაშილის ოჯახი ეჭვობს, რომ მესამე პრეზიდენტი მოწამლეს. ცნობილია იმ მომწამვლელი ნივთიერების დასახელებებიც, რაც მიხეილ სააკაშვილის ორგანიზმში ექსპერტებმა აღმოაჩინეს. საუბარია ვრცეხლის წყალზე, ტალიუმსა და ბარიუმზე.

წინა სტატიარუსული ძალები დროებით ოკუპირებულ დონბასსა და ზაპორიჟიეს ოლქებში პოზიციების გაძლიერებას იწყებენ – ISW
შემდეგი სტატია„თავისუფლება მიშას“ – თბილისში აქცია მიმდინარეობს
ტელეკომპანია ოდიშის საინფორმაციო სამსახური