პოლონეთში, რაკეტის ჩამოვარდნის ადგილას, გარკვეული მტკიცებულებები უკვე შეგროვდა, არსებობს ვიდეოჩანაწერებიც – კუმოჩი

0
236

პოლონეთის ტერიტორიაზე, რაკეტის ჩამოვარდნის ადგილას, უკვე შეგროვდა გარკვეული მტკიცებულებები, რომლებიც მოვლენების თანმიმდევრობას აჩვენებს – აცხადებს პოლონეთის პრეზიდენტთან არსებული საერთაშორისო პოლიტიკის ბიუროს ხელმძღვანელი იაკუბ კუმოჩი TVN24-თან ინტერვიუში.

„დღეს არის უამრავი მტკიცებულება, რომ ერთ-ერთი რაკეტა, რომელსაც უნდა ჩამოეგდო რუსული რაკეტა, არ მოხვდა მიზანში, თვითგანადგურების სისტემამ არ იმუშავა და ამ რაკეტამ, სამწუხაროდ, ტრაგედია გამოიწვია“, – განაცხადა კუმოჩმა.

კითხვაზე, რა მტკიცებულებები აქვთ გამომძიებლებს, მან უპასუხა: „რაკეტის ნამსხვრევები, კრატერის სიღრმე, ექსპერტები ითვლიან რაკეტის მიმართულებას და გამოყენებული საწვავის რაოდენობას“.

მისი თქმით, კატასტროფის ადგილზე პოლონურ-ამერიკული საგამოძიებო ჯგუფი მუშაობს. გამოძიებაზე წვდომას ითხოვს უკრაინაც.

“თუ ორივე მხარე დათანხმდება და როგორც ვიცი, ამერიკული მხრიდან არანაირი წინააღმდეგობა არ იქნება, ასეთი დაშვება შესაძლოა უახლოეს მომავალში მიიღონ [უკრაინამ]. უკრაინელებისთვის გამოძიებაზე წვდომის აკრძალვის მიზეზი არ არის“, – განმარტა მან.

კუმოჩის თქმით, არსებობს ვიდეოჩანაწერებიც, თუმცა შინაარსზე საუბრისგან ის თავს იკავებს, რადგან ჯერჯერობით გასაიდუმლოებულია.

პოლონეთის პრეზიდენტის ოფიციალური წარმომადგენელი ხაზგასმით აცხადებს, რომ „არავინ ადანაშაულებს უკრაინას პოლონეთის ტერიტორიის განზრახ დაბომბვაში“.

„იმ დღეს რუსეთმა დაბომბა უკრაინა და რუსეთია სრულად პასუხისმგებელი ყველაფერზე, რაც ჩამოვარდა. ეს გავს სიტუაციას, როცა ადამიანი გზაზე გადავიდა და ავტობუსსა და მანქანას შორის შეჯახება გამოიწვია. მანქანა არის დამნაშავე? არა, ადამიანი არის გზაზე გადმოსვლისა და ავარიის გამოწვევის ბრალი“, – განაცხადა მან.

შეგახსენებთ, რომ უკრაინას მომხდარში არც პოლონეთი და არც პარტნიორი ქვეყნები ადანაშაულებენ. ისინი თვლიან, რომ დამნაშავე რუსეთია, რადგან სწორედ ის აწარმოებს ომს უკრაინაში და რომ არა ეს ომი- არც პოლონეთის ტერიტორიაზე მოხვდებოდა რაკეტა.

პრეზიდენტ ანდჟეი დუდას თქმით, ვარშავა რაკეტასთან დაკავშირებულ ინციდენტს უკრაინის მხრიდან თავდასხმად არ მიიჩნევს.

შეგახსენებთ, 15 ნოემბერს, პოლონეთში, უკრაინის საზღვართან ახლოს, სოფელ პრჟედვოდოვში რაკეტა ჩამოვარდა, რის შედეგადაც ორი ადამიანი დაიღუპა. ეს იყო პირველი შემთხვევა, როცა კონფლიქტის დროს ნატო-ს წევრი ქვეყნის ტერიტორიაზე რაკეტა ჩამოვარდა.

პოლონეთმა მოიწვია საერთაშორისო ექსპერტები აფეთქებების გამოსაძიებლად. რუსეთის თავდაცვის სამინისტრო ამტკიცებს, რომ მას “არაფერი აქვს საერთო” პოლონეთში მომხდართან.

გამოძიებაში ჩართვა გუშინ ოფიციალურად მოითხოვა უკრაინამაც

წინა სტატიაკიდევ ერთი დადასტურება დნეპრიდან, თუ როგორ უნდათ ტერორისტებს მშვიდობა – ზელენსკი თავდასხმაზე
შემდეგი სტატია“ევროპარლამენტი შეთანხმდა ტექსტზე, რომლითაც რუსეთს ტერორიზმის სპონსორ სახელმწიფოდ აღიარებს”
ტელეკომპანია ოდიშის საინფორმაციო სამსახური