უკრაინის პრეზიდენტმა ვოლოდიმირ ზელენსკიმ 17 ნოემბერს დილით დნეპერში რუსული რაკეტის ჩამოვარდნის ვიდეო გამოაქვეყნა. Telegram-ზე მან დაწერა, რომ ეს კიდევ ერთი დადასტურებაა, თუ როგორ სურს ტერორისტს მშვიდობა.
“აი კიდევ ერთი დადასტურება დნეპრიდან, თუ როგორ უნდათ ტერორისტებს მშვიდობა. დილა. მშვიდობიანი ქალაქი და ხალხის სურვილი იცხოვრონ ჩვეული ცხოვრებით. წავიდნენ სამსახურში, საქმეზე. სარაკეტო დარტყმა!
ტერორისტულ სახელმწიფოს ნამდვილად სურს უკრაინელებს რაც შეიძლება მეტი ტკივილი და ტანჯვა მოუტანოს”, – წერს ზელენსკი.
დღეს დილიდან აფეთქებების ხმა ისმოდა კიევში, დნეპრსა და ოდესაში.