აქვს ტუბერკულოზის ლატენტური ფორმა, გააქტიურების რისკჯგუფშია | გიული ალასანია მიხეილ სააკაშვილზე

0
182

ოჯახისა და კონსილიუმის ნაწილის განცხადებით, საქართველოს მესამე პრეზიდენტის, მიხეილ სააკაშვილის ჯანმრთელობის მდგომარეობა ყოველდღიურად მძიმდება. მიხეილ სააკაშვილი გუშინ, დედამ გიული ალასანიამ მოინახულა. მისი თქმით, სააკაშვილს ტუბერკულოზი ლატენტურ ფორმაში დაუდგინდა, რომელიც ნებისმიერ დროს შესაძლოა აქტიურ ფაზაში გადავიდეს.

“იყვნენ ფსიქიატრები, ძალიან ცნობილი და მაღალი დონის პროფესიონალები და თქვეს, რომ აქვს ლატენტური ფორმა და რისკჯგუფშია გააქტიურების, წესით, უნდა ენიშნებოდეს მკურნალობა, მაგრამ იმის გამო, რომ ბევრი სხვა დაავადებაც აქვს ვერ უნიშნავენ ამ მკურნალობას, იმიტომ, რომ შეიძლება ის გაუარესდება, ის დანარჩენი ყველაფერი და ამიტომ დროებით დავაკვირდებით”, – ამბობს გიული ალასანია.

გარდა ამისა, ექიმი ლევან ფერაძის თქმით, უახლოეს დღეებში სპეციალისტები უკვე დაასრულებენ დასკვნაზე მუშაობას.

წინა სტატიალევან ხაბეიშვილი ენმ-ს თავმჯდომარეობისთვის იბრძოლებს
შემდეგი სტატიაკანადა უკრაინას დამატებით 34 მილიონი დოლარის სამხედრო დახმარებას გადასცემს
ტელეკომპანია ოდიშის საინფორმაციო სამსახური