სამშაბათს დილით ძლიერი აფეთქება მოხდა რუსეთის მიერ ოკუპირებული მელიტოპოლში. ინფორმაციას ქალაქის მერი, ივან ფედეროვი ავრცელებს.
“ძლიერი აფეთქება მელიტოპოლის ჩრდილოეთით მდებარე საცხოვრებელ უბანში, 24-ე ლიცეუმის მახლობლად, სადაც კიდევ ერთი ოკუპანტების ბუდეა თავმოყრილი”, – თქვა ივან ფედოროვმა Telegram-ზე.
მისი თქმით, წინასწარი ცნობით, მეზობელ სახლში აფეთქების ტალღამ მე-4 სართულამდე მინები ჩაამტვრია.
კვირას Telegram-ის პოსტში ფედოროვმა თქვა, რომ რუსულმა ძალებმა მელიტოპოლი გადააკეთეს “უზარმაზარ სამხედრო ბაზად”. მისი თქმით, რუსი სამხედროები ადგილობრივების სახლებში, სკოლებსა და საბავშვო ბაღებში სახლდებიან, საცხოვრებელ პუნქტებში სამხედრო ტექნიკას ათავსებენ.