12 რეკომენდაციის შესრულება და ეკონომიკური გეგმა – ევროკომისარ ოლივერ ვარჰეის ვიზიტი დაიწყო

0
171

გაფართოებისა და სამეზობლო საკითხებში ევროკომისრის ოლივერ ვარჰეის საქართველოში ვიზიტი დაიწყო. ინფორმაციას საგარეო საქმეთა სამინისტრო ავრცელებს.

2-დღიანი ვიზიტის ფარგლებში, ევროკომისარი შეხვედრებს გამართავს საქართველოს აღმასრულებელი და საკანონმდებლო ხელისუფლების უმაღლესი თანამდებობის პირებთან. საუბარი შეეხება საქართველოს ევროინტეგრაციის პროცესს, ამ მიმართულებით საქართველოს მიერ მიღწეულ პროგრესსა და შემდგომ ნაბიჯებს. პირისპირ და გაფართოებულ ფორმატებში.

საკითხზე პირველი კომენტარი გააკეთა საქართველოში ევროკავშირის ელჩმა, პაველ ჰერჩინსკიმ:

“ეს არის პირველი ასეთი მაღალი დონის ვიზიტი, მას შემდეგ, რაც საქართველომ ივნისში ევროპული პერსპექტივა მიიღო. არსებობს ვიზიტის ორი ძირითადი მიზეზი, პირველი არის 12 რეკომენდაციასთან და მისი განხორციელების გზასთან დაკავშირებული განხილვა, მეორე მიზეზი კი არის ეკონომიკური და საინვესტიციო გეგმა ჩვენს პროექტებთან ერთად”.

დღესვე მთავრობის ადმინისტრაციაში ირაკლი ღარიბაშვილისა და ოლივერ ვარჰეის ერთობლივი პრესკონფერენციაცაა დაგეგმილი. ევროკომისარი შეხვდება ასევე პრეზიდენტს, პარლამენტის თავმჯდომარესა და პარლამენტის წევრებს.

წინა სტატიამიხეილ სააკაშვილს მარცხენა ხელი ატროფირებული აქვს – “ვივა მედში” სამედიცინო კონსილიუმი იმართება
შემდეგი სტატიარუსეთმა ომის დაწყების შემდეგ უკვე 82 000-ზე მეტი ჯარისკაცი დაკარგა – უკრაინის გენშტაბი
ტელეკომპანია ოდიშის საინფორმაციო სამსახური