სტამბოლში მომხდარ აფეთქებასთან დაკავშირებით ერთი პირი დააკავეს

0
206

სტამბოლში, ისკალელის ქუჩაზე მომხდარ აფეთქებასთან დაკავშირებით ერთი პირი დააკავეს. ამის შესახებ თურქეთის შინაგან საქმეთა მინისტრმა თქვა. ის მომხდარზე პასუხისმგებლობას ქურთისტანის მუშათა პარტიას (PKK) აკისრებს.

PKK მებრძოლთა დაჯგუფებაა, რომელიც თურქეთში დამოუკიდებელ ქურთთა სახელმწიფოს შექმნას ითხოვს. ევროკავშირი და აშშ მას ტერორისტულ ორგანიზაციად მიიჩნევენ.

აფეთქებაზე პასუხისმგებლობა ამ დრომდე არავის აუღია.

მანამდე ვიცე-პრეზიდენტმა თქვა, რომ აფეთქება ქალის მიერ განხორციელებული ტერორისტული აქტი იყო.

იუსტიციის მინისტრმა კი ადგილობრივ მედიასთან განაცხადა, რომ ქალი ისკალელიოს ქუჩაზე 40 წუთის განმავლობაში სკამზე იჯდა და იქაურობა აფეთქებამდე რამდენიმე წუთით ადრე დატოვა.

აფეთქება სტამბოლში გუშინ 13 ნოემბერს მოხდა. შემთხვევის შედეგად 6 ადამიანი დაიღუპა, 80-ზე მეტი კი დაშავდა.

წინა სტატიატერაქტი სტამბოლში – კამიკაძე-ტერორისტმა ხალხმრავალ ქუჩაში თავი აიფეთქა
შემდეგი სტატიაგავათავისუფლებთ ყველა ტერიტორიას – პოდოლიაკი
ტელეკომპანია ოდიშის საინფორმაციო სამსახური