წალენჯიხის სოფელ ჯგალში მოსახლეობამ ჩხოროწყუსთან დამაკავშირებელი გზა მანქანებით გადაკეტა.
მოსახლეობა ამბობს, რომ ამ ფორმით ხელისუფლების ყურადღების მიქცევას ცდილობენ. მათი თქმით, გარემოს დაცვის სამინისტრომ შეშის ჭრის უფლება არ გასცა, სოფელში კი გაზი არაა შეყვანილი. ადგილობრივები ჰყვებიან, რომ გაზის მილები წლებია ჩაყარეს, თუმცა დაერთება ვერ მოხდა.
ადგილობრივ ხელისუფლებას ხის ჭრაზე ნებართვის გაცემის უფლება არ აქვს. სოფლის მოსახლეობასთან ერთად ადგილზე იმყოფება წალენჯიხის მერიც.