ხერსონისთვის ბრძოლა ჯერ არ დასრულებულა, მაგრამ უკრაინა თავის მიზნებს აღწევს

0
168

ომის შესწავლის ამერიკული ინსტიტუტი (ISW) ყოველდღიურ ანგარიშში აანალიზებს რუსეთის სამხედრო ხელმძღვანელობის გადაწყვეტილებას მდინარე დნეპრის მარჯვენა სანაპიროდან, მათ შორის ხერსონიდან ჯარების გაყვანის შესახებ.

ორგანიზაციის ექსპერტების თქმით, რუსეთის არმიამ უკვე დაიწყო ბრძოლებით რეგიონის დატოვება და მარცხენა სანაპიროზე წინასწარ მომზადებულ პოზიციებზე გადასვლა.

“ბრძოლა ხერსონისთვის არ დასრულებულა, მაგრამ რუსული ჯარები შევიდნენ ახალ ფაზაში: ისინი პრიორიტეტს ანიჭებენ თავიანთი ჯარების უკან დახევას მდინარის გასწვრივ, საბრძოლო მზადყოფნის შენარჩუნებით და უკრაინის ჯარების შეფერხებით. მაგრამ არ ცდილობენ მთლიანად შეაჩერონ უკრაინის შეტევა”, – აღნიშნულია ანგარიშში.

ამავდროულად, ISW მიიჩნევს, რომ უკრაინამ, სავარაუდოდ, მოახერხა ხერსონში თავისი კამპანიის მთავარი მიზნის შესრულება: რუსული ჯარების იზოლირებით, აიძულა ისინი დამოუკიდებლად უკან დაეხიათ დნეპრის მეორე მხარეს, თუნდაც ფართომასშტაბიანი სახმელეთო შეტევის გარეშე.

ანგარიშში აღნიშნულია, რომ რუსი მეთაურები, შეეცდებიან შეანელონ უკრაინის შეტევა და შესაძლოა დატოვონ გარკვეული ძალები ხერსონში, მაგრამ ეს ბრძოლები გამიზნული იქნება რუსული შენაერთის უკან დახევის უზრუნველსაყოფად.

წინა სტატიაპუტინი არ დაესწრება G20-ის სამიტს – რუსეთის საელჩო
შემდეგი სტატია“ქურდული სამყაროს” წევრობისა და “ქურდული სამყაროს” წევრისთვის მიმართვის ფაქტებზე, 5 პირს ბრალდება წარედგინა
ტელეკომპანია ოდიშის საინფორმაციო სამსახური