იტალია მზადაა, უკრაინის შეიარაღებულ ძალებს გადასცეს:
Samp-T-ს ტიპის შორი მოქმედების ჰაერსაწინააღმდეგო თავდაცვის კომპლექსი,
Aspide-ის ტიპის ჰაერსაწინააღმდეგო თავდაცვბის სისტემა,
ახლო მანძილზე მოქმედი გადასატანი საზენიტო-სარაკეტო სისტემა, Fim-92. – ამის შესახებ ინფორმაციას Reuters-ი იტალიის მმართველი პარტიის მაღალჩინოსნებზე დაყრდნობით ავრცელებს.
samp-T-ს 1 ბატარეაში შედის:
Gm-400-ის შორი მოქმედების რადარი ( თვითმფრინავების დაფიქსირება შეუძლია 450კმ-ის რადიუსში , ბალისტიკურ / ფრთოსან რაკეტებს 200-250კმ-ში , სამიზნის მაქსიმალური დაფიქსირების სიმაღლე – 30კმ)
Arabel-ის ახლო მოქმედების რადარი ( თვითმფრინავების აღმოჩენა 70 კმ-ში შეუძლია, ფრთოსანი რაკეტების კი 20კმ-ში)
1 მართვის პუნქტი
4 ერთეული გამშვები დანადგარი( თითოში 8 ერთეული აქტიურ რადიოლოკაციურ თავაკიანი რაკეტით)
2 სატრანსპორტო-დამტენი მანქანა
ახლა რაც შეეხება Samp-T-ს რაკეტა Aster-30-ის ტექნიკურ მახასიათებლებს- 
მოქმედების რადიუსი საბრძოლო თვითმფრინავების წინააღმდეგ- 3-იდან 100კმ-მდე
ბალისტიკური რაკეტების წინააღმდეგ – 3-იდან 25კმ-მდე.
ახლა რაც შეეხება ჰსთ Spada 2000-ს, როგორც ვიგებთ, უკრაინას გადაეცემა ერთი სრული ბატარეა, რომელშიც შედის 2,3 ან 4 (ზუსტი რაოდენობა უცნობია) გამშვები დანადგარი, ერთი RAC-3D-ის ტიპის 3 განზომილებიანი რადიოლოკაციური სადგური და ერთი მართვის პუნქტი.
ჰსთ Spada 2000 გახლავთ ფრანგული MBDA-ს პროექტი, რომელიც იყენებს იტალიურ Aspide 2000-ის მიწა-ჰაერის ტიპის რაკეტებს, რომელთა ეფექტური მოქმედების მანძილი 25-კმ გახლავთ, გამშვებ დანადგარში განთასვებულია 6 ერთეული Aspide 2000-ის რაკეტა, რომელთაც გააჩნიათ ნახევრად აქტიური რადიოლოკაციური დამიზნების სისტემა, რაკეტის წონა 240 კგ-ს შეადგენს, სიგრძე 3.7 მ-ს, ხოლო დიამეტრი 0.20მ-ს. რაკეტა ეფექტურია როგორც პილოტირებადი და უპილოტო ავიაციის, ისე დაბალ სიმაღელზე მფრენი რაკეტების, მათ შორის ფრთოსანი რაკეტების წინააღმდეგ.
Spada 2000-ის, მთავარი საჰაერო თვალთვალის რადარი გახლავთ დანიური Rac-3D-ს ტიპის ახლო და საშუალო მანძილზე მოქმედი, სამ განზომილებიანი ფაზური მასივის მქონე საშლელი ანტენით აღჭურვილი რადარი, რომლის ეფექტური კონტროლის დიაპაზონი გახლავთ 100 კმ, მას ერთდროულად შეუძლია 150 სამიზენზე დაკვირვება და თანამედროვე ციფრული ტექნოლოგიების გამოყენებით, ავტომატურად პრიორიტეტული სამიზნეების განსაზღვრა, რომელთა გადაცემა ხდება შემდგომ მართვის პუნქტზე.
ოთო კონჯარია