უკრაინაში, ხარკოვის რეგიონში გზის საფარის შეკეთების სამუშაოების დროს, ორი თანამშრომელი ნაღმზე დაიღუპა. რეგიონის სამხედრო ადმინისტრაციის ხელმძღვანელმა, ოლეგ სინეგუბოვმა თქვა, რომ რუს ოკუპანტებს “დანაღმული აქვთ აბსოლუტურად ყველაფერი”.
“სამწუხაროდ, დღის განმავლობაში დაიღუპა 21 და 51 წლის საგზაო სამსახურის ორი თანამშრომელი. დაშავდა კიდევ ორი მამაკაცი 55 და 34 წლის ასაკის. ჩუჰუივის რაიონში მუშაობისას სპეცტექნიკამ ნაღმი გააქტიურა”, – თქვა მან.
ოფიციალური პირების თქმით, ნაღმები ხარკოვის წარსულში ოკუპირებულ ნაწილებში ერთ-ერთ ყველაზე დიდ პრობლემად რჩება.