კლინიკა “ვივა მედში” დღეს, ცენტრ “ემპათიის” ექიმებთან ერთად, მესამე პრეზიდენტს ინგლისელი ფსიქიატრი მოინახულებს.
მარიამ ჯიშკარიანის თქმით, მიხეილ სააკაშვილის ჯანმრთელობის მდგომარეობასთან დაკავშირებით უახლოეს დღეებში, ყველა ექსპერტის მოსაზრება შეჯამდება და საბოლოო დასკვნაში აისახება. მესამე პრეზიდენტის ჯანმრთელობის მდგომარეობა კი კვლავ მძიმეა.
შეგახსენებთ, მიხეილ სააკაშვილის ჯანმრთელობის მდგომარეობაზე სამედიცინო დასკვნა ამერიკელმა ექსპერტებმა მესამე პრეზიდენტის უფლებადამცველებს უკვე გადაუგზავნეს. დოკუმენტის თანახმად, არ დასტურდება ის დიაგნოზი, რომელზეც ექიმები თავდაპირველად საუბრობდნენ, საუბარია ვერნიკეს ენცეფალოპათიაზე. ექსპერტები დასკვნაში სავარაუდოდ, დემენციაზე საუბრობენ.