მთავარისიახლეებიჯანმრთელობის მდგომარეობით ნებისმიერი სპეკულაცია, არაეთიკურია - ბრეგაძე მიხეილ სააკაშვილზე

ჯანმრთელობის მდგომარეობით ნებისმიერი სპეკულაცია, არაეთიკურია – ბრეგაძე მიხეილ სააკაშვილზე

Published on

იუსტიციის მინისტრი, რატი ბრეგაძე საქართველოს მესამე პრეზიდენტთან დაკავშირებით ამბობს, რომ ჯანმრთელობის მდგომარეობით სპეკულაცია ხდება. მისი თქმით, “ემპათიის” დასკვნა ჯერ არავის უნახავს და ამ საკითხზე წინასწარ შეფასებებს ვერ გააკეთებს.

ბრეგაძე ამტკიცებს, რომ მიხეილ სააკაშვილს ყველა პირობა აქვს შექმნილი, რომ მისი ჯანმრთელობა დაცული იყოს.

“ჯანმრთელობის მდგომარეობით ნებისმიერი სახის სპეკულაცია, ძალიან რბილად რომ ვთქვათ, არის არაეთიკური. შესაბამისად, მე ამ საკითხზე მეტს ვერაფერს გიპასუხებთ, მე ვერ დავიწყებ წინასწარ შეფასებებს. როგორც მოგეხსენებათ, ცენტრი “ემპათიის” დასკვნა ჯერჯერობით არავის უნახავს, ეს დასკვნა უბრალოდ ბუნებაში არ არსებობს. მას შემდეგ როდესაც იარსებებს ეს დასკვნა, მრავალჯერ ვთქვი, ახლაც გავიმეორებ კიდევ ერთხელ, მხარეებს შეუძლიათ მიმართონ სასამართლოს იმ ფაქტის დასადასტურებლად, რომ არის თუ არა ამა ადამიანის ჯანმრთელობის მდგომარეობა ისეთი მძიმე, რომ არ შეესაბამებოდეს სასჯელის მოხდის მიზნებს.

მე ერთი რამ შემიძლია ამ საკითხზე ვთქვა, რომ ამ ადამიანს აქვს ყველა პირობა შექმნილი სახელმწიფოსგან იმისთვის, რომ მისი ჯანმრთელობა იყოს დაცული, და მისი ეს შესაბამისი უფლებაც იყოს უზრუნველყოფილი და ის იმყოფება შესაბამის კლინიკაში”, – თქვა რატი ბრეგაძემ.

ცნობისთვის, დღეს მიხეილ სააკაშვილი ბრიტანელმა ფსიქიატრმა უნდა მოინახულოს. “ემპათიას” ხელმძღვანელის, მარიამ ჯიშკარიანის თქმით, მიხეილ სააკაშვილის ჯანმრთელობის მდგომარეობასთან დაკავშირებით უახლოეს დღეებში, ყველა ექსპერტის მოსაზრება შეჯამდება და საბოლოო დასკვნაში აისახება.

სიახლეები

“დიახ, არ ვაღიარებ ამ ხელისუფლებას“ – ნიკა გვარამია

საკონსტიტუციო სასამართლოში, სადაც ოპოზიციური პარტიების გაუქმებასთან დაკავშირებული სარჩელის განხილვა მიმდინარეობს, „კოალიცია ცვლილებისთვის“ ლიდერს, ნიკა...

ოკუპ. ცხინვალის ე.წ. საგარეო სამინისტრო- EU-ს მოვუწოდებთ, უარი თქვას პოლიტიკურ შანტაჟზე

ოკუპირებული ცხინვალის ე.წ. საგარეო საქმეთა სამინისტრომ ევროკავშირის უმაღლესი წარმომადგენლის კაია კალასის განცხადება, რომელიც ასოცირების...

კანადა უკრაინას სამხედრო დახმარების ახალ პაკეტს გადასცემს

17 ნოემბერს კანადის ეროვნული თავდაცვის დეპარტამენტმა გაავრცელა განცხადება, რომელშიც ნათქვამია, რომ კანადა უკრაინას სამხედრო...

ვახო სანაიამ მცხეთის იზოლატორი დატოვა

ვახო სანაიამ დღეს, 18 ნოემბერს, ერთთვიანი პატიმრობის შემდეგ მცხეთის იზოლატორი დატოვა. ჟურნალისტი ფეისბუკზე დაწერილი...