ნიკა გვარამიას საქმეს სახალხო დამცველი ეხმაურება.
ნინო ლომჯარია ამბობს, რომ მედიის წარმომადგენლების უფლებების დარღვევა და უფლებების დაცვა არის ის საკითხები, რომლებზეც განსაკუთრებულ ყურადღებას აქცევენ სტატუსის მინიჭების პერიოდში და ნიკა გვარამიას საქმე იქნება საქართველოსთვის ხელისშემშლელი ფაქტორი ამ გზაზე.
ამასთან, ომბუდცმენი განმარტავს, რომ მისი აპარატი თვლის, რომ „მთავარი არხის“ დამფუძნებლის საქმეში ვერანაირი კანონდარღვევა ვერ დასტურდება.
გვარამიას საქმე ჩემთვის არის განსაკუთრებული და განსაკუთრებულად მძიმე. ამ წუთებში, ჩვენ ვსწავლობთ გვარამიას საქმეზე სააპელაციო სასართლოს მიერ გამოტანილ გადაწყვეტილებას და უახლოეს დღეებში სახალხო დამცველს ექნება კიდევ ერთი შეფასება ამ საქმესთან დაკავშირებით. მედიის უფლებების დაცვა არის ერთ-ერთი მთავარი საკითხი, რასაც ყურადღებას მიაქცევენ სტატუსის მინიჭების საკითხში, იმიტომ რომ, დოკუმენტებში გვხდება ეს ჩანაწერები. რა თქმა უნდა, გვარამიას საქმეც ნამდვილად იქნება ხელისშემშლელი ამ გზაზე. ყველაზე მთავარი არგუმენტი, რაც ნიკა გვარამიას საქმეში სახალხო დამცველს აქვს, არის ის, რომ ჩვენ საერთოდ ვთვლით, რომ მისი მხრიდან დანაშაულის ჩადენა ვერ დასტურდება”. – ამბობს ლომჯარია.