Twitter-ის ახალი მფლობელი, ილონ მასკი კომპანიის თანამშრომლებს მასობრივ გათავისუფლებას იწყებს. დასაქმებულებმა დღეს ელექტრონული ფოსტით უნდა მიიღონ წერილი აგრძელებენ თუ არა მუშაობას.

ისინი, ვინც შეინარჩუნებენ სამსახურს, მიიღებენ ელფოსტას სამუშაო ანგარიშზე, დათხოვნილები მიიღებენ შეტყობინებას პირად ელ.ფოსტაზე. თანამშრომლებს უთხრეს, რომ არ გაამჟღავნონ “კომპანიის კონფიდენციალური ინფორმაცია” სოციალურ მედიაში ან პრესაში.

“იმისთვის, რომ Twitter ჯანსაღ გზაზე დავაყენოთ, პარასკევს გავივლით ჩვენი გლობალური სამუშაო ძალის შემცირების რთულ პროცესს”, – ნათქვამია ელფოსტაში.

Here’s the first official communication from Twitter’s new leadership to its staff, a week after Musk took over: a fun game where you get to find out if you’re laid off or not based by 9am tomorrow, based on whether the email pops up in your Twitter account or personal account. pic.twitter.com/tpJsAkiaHp

— Will Oremus (@WillOremus) November 4, 2022
თანამდებობიდან გათავისუფლება ხდება მას შემდეგ, რაც ვარაუდობდნენ, რომ მასკმა “ტვიტერის” მუშახელის 50% შეამცირა პოსტზე დანიშვნიდან რამდენიმე დღეში. ეს შეიძლება ნიშნავდეს ათასობით ადამიანის სამსახურის გარეშე დარჩენას, რადგან კომპანიას ჰყავდა 7000-ზე მეტი თანამშრომელი 2021 წლის ბოლოს მარეგულირებელი დოკუმენტაციის მიხედვით.

მასკმა უკვე გაათავისუფლა Twitter-ის რამდენიმე დასაქმებული, მათ შორის აღმასრულებელი დირექტორი პარაგ აგრავალი, ფინანსთა დირექტორი ნედ სეგალი და იურიდიული საკითხთა და პოლიტიკის უფროსი ვიჯაია გადე.