მიხეილ სააკაშვილს “ვივა მედის” კლინიკაში დღეს ორგანიზაცია,”ემპათიის” ექსპერტთა ჯგუფი მოინახულებს.
“ემპათიის” ხელმძღვანელის, მარიამ ჯიშკარიანის თქმით, მესამე პრეზიდენტის ჯანმრთელობის მდგომარეობა სულ უფრო მძიმდება.
“ჩვენი მონაცემებით მიხეილ სააკაშვილის ჯანმრთელობის მდგომარეობა მძიმეა, მოსალოდნელია კიდევ უფრო დამძიმება. ჩვენ შევისწავლეთ გარკვეული დოკუმენტაცია, გვაქვს გარკვეული ინფორმაცია, შესაბამისად ძალიან ვჩქარობთ უკვე დასკვნით ეტაპზე გადასვლას. მარტის თვიდან მოყოლებული მას აღენიშნება ტემპერატურის მატება, ამჟამად ტემპერატურული რეაქცია არის უფრო მაღალი ვიდრე იყო…მოსალოდნელია კიდე უფრო დამძიმება, შესაბამისად, საუბარი იქნება დიაგნოზების მიხედვით, შესაძლო გადავადება გათავისუფლებაზე”, – ამბობს მარიამ ჯიშკარიანი.
შეგახსენებთ, რომ ჯანმრთელობის მძიმე მდგომარეობის დადასტურების შემთხვევაში ადვოკატებს საფუძველი ექნებათ, მიხეილ სააკაშვილისთვის სასჯელის გადავადება მოითხოვონ.