უკრაინის “ეროვნული წინააღმდეგობის ცენტრის” ინფორმაციით, ომის დაწყების დღიდან დღემდე, რუსმა ოკუპანტებმა უკრაინიდან 10 000-მდე ბავშვი გაიტაცეს.
მათივე ინფორმაციით, ოკუპანტებს ბავშვები სკოლა-ინტერნატებიდან გამოჰყავთ და უკან არ აბრუნებენ. ისინი იტაცებენ არა მარტო ობლებს, არამედ მშობლებთან ერთად მცხოვრებ არასრულწლოვნებსაც.
”ისინი გადაჰყავთ რუსეთში ბავშვთა ბანაკებში და მშობლებთან აღარ აბრუნებენ. ამით კრემლი ცდილობს, აიძულოს მშობლები, წავიდნენ რუსეთში შვილებთან და დატოვონ სახლები”, – წერია ცენტრის განცხადებაში.
გარდა ამისა, უკრაინა ამბობს, რომ უკრაინის დროებით ოკუპირებულ ტერიტორიებზე ხალხი ვერ დაბრუნდება საკუთარ სახლებში, რადგან რუსებმა შემოიღეს “საომარი მდგომარეობ”. გარდა ამისა, უკრაინელი ბავშვები გადაჰყავთ რუსეთის შორეულ – ლენინგრადის, ვოლგოგრადის, ნოვოსიბირსკის, ტიუმენის რეგიონები.