სააპელაციო სასამართლომ ნიკა გვარამია პატიმრობაში დატოვა

0
99

როგორც მოსალოდნელი იყო, “მთავარი არხის” დამფუძნებელი და გენდირექტორი ნიკა გვარამია თბილისის სააპელაციო სასართლომ პატიმრობაში დატოვა – გადაწყვეტილება მოსამართლეთა კოლეგიამ გამოაცხადა.

შეგახსენებთ, ნიკა გვარამიას საქალაქო სასამართლომ სამი წლითა და ექვსი თვით პატიმრობა მიუსაჯა.

 მას პროკურატურა ედავება ჯერ კიდევ “რუსთავი 2”-ის დირექტორობის დროს, სამაუწყებლო კომპანიის “კანონიერი ინტერესების საწინააღმდეგოდ უფლებამოსილების ბოროტად გამოყენებასა და მისი კუთვნილი დიდი ოდენობით თანხის სამსახურებრივი მდგომარეობით გამოყენებას”.

საქალაქო სასამართლომ ნიკა გვარამიას კერძო კომპანიის მანქანით სარგებლობის, ე.წ. პორშეს ეპიზოდის გამო მიუსაჯა პატიმრობა.

ორგანიზაცია “საქართველოს დემოკრატიული ინიციატივის” მიერ სასამართლოდან გამოთხოვილი ინფორმაციით დადგინდა, რომ 2017 წლიდან 2021 წლის ჩათვლით, ამ მუხლით პატიმრობა არავისთვის აქვთ მისჯილი.

წინა სტატიამეჯვრისხევიდან ოკუპანტებმა 3 მოქალაქე გაიტაცეს, მათგან ერთი მოზარდია
შემდეგი სტატიაოკუპანტებმა საქართველოს მოქალაქეები ორივე საოკუპაციო ზოლიდან გაიტაცეს
ტელეკომპანია ოდიშის საინფორმაციო სამსახური