“მიხეილ სააკაშვილი კოვიდინფიცირებულის კონტაქტია, სიცხე აქვს”- ხაჭაპურიძე

0
228

მიხეილ სააკაშვილის ადვოკატ შალვა ხაჭაპურიძის თქმით, მესამე პრეზიდენტის მორიგი სასამართლო პროცესი, რომელიც თბილისის საქალაქო სასამართლოში დღეს არის ჩანიშნული, ისევ გადაიდება.

როგორც მიხეილ სააკაშვილის ადვოკატმა „ინტერპრესნიუსს“ განუცხადა, სააკაშვილი დღევანდელ სასამართლო პროცესს ვერ დაესწრება, რადგან კორონავირუსით ინფიცირებული პირის კონტაქტია და მაღალი სიცხე აქვს.

„მიხეილ სააკაშვილი ავადმყოფობის გამო დღევანდელ პროცესს ვერ დაესწრება. გარდა ამისა, ის კორონავირუსით ინფიცირებულის კონტაქტია. 5 დღის გასვლას ელოდებიან, რომ კორონავირუსზე ტესტი განმეორებით ჩაუტარდეს, სიცხიანია. კოვიდის გამო, სამი დღეა არ შევხვედრივარ. წესით, დღევანდელი სასამართლო პროცესი უნდა გადაიდოს“, – თქვა ხაჭაპურიძემ.

თბილისის საქალაქო სასამართლოში დღეს დაგეგმილი პროცესი საქართველოს მესამე პრეზიდენტის, მიხეილ სააკაშვილის მიერ საქართველოს სახელმწიფო საზღვრის უკანონო კვეთას ეხება.

წინა სტატიაე.წ. ლიბერალები პირდაპირ და უხეშად ებრძვიან ჩვენს ტრადიციებს – “გამიჯნულების” განცხადება
შემდეგი სტატიამეჯვრისხევიდან ოკუპანტებმა 3 მოქალაქე გაიტაცეს, მათგან ერთი მოზარდია
ტელეკომპანია ოდიშის საინფორმაციო სამსახური