რუსეთის მიერ შავი ზღვის მარცვლეულის შეთანხმებიდან გასვლის მიუხედავად, გაერო, უკრაინა და თურქეთი 30 ოქტომბერს მარცვლეულის 16 გემის გადაადგილების გეგმაზე შეთანხმდნენ.
3 დელეგაცია ასევე შეთანხმდა 40 გამავალი გემის შემოწმებაზე. ორივე გადაწყვეტილების შესახებ რუსული მხარე ინფორმირებულია. თურქეთის პრეზიდენტის თქმით, რუსეთის წინააღმდეგობის პირობებშიც მხარეები კაცობრიობისთვის აუცილებელი სიკეთის განოხრციელებისათვის ძალისხმევას არ დაიშურებენ.
შეგახსენებთ, 29 ოქტომბერს ცნობილი გახდა, რომ რუსეთი მარცვლეულის ექსპორტის შესახებ შეთანხმებიდან ტოვებს და აცხადებს, რომ გადაწყვეტილება სევასტოპოლში, შავი ზღვის ფლოტის გემებზე “თავდასხმების” შემდეგ მიიღო.
უკრაინასა და რუსეთს შორის შეთანხმება მარცვლეულის ექსპორტზე, გაეროსა და თურქეთის შუამავლობით 22 ივლისს გაფორმდა.