საქართველოს მასშტაბით მოსამართლეების გაცვლითი პროგრამები გაგრძელდება. ამის შესახებ აშშ-ს ელჩმა საქართველოში კელი დეგნანმა განაცხადა. მისი თქმით, აშშ მოსამართლეების მხარდაჭერას განაგრძობს, რათა მათ შეძლონ გადაწყვეტილებები მტკიცებულებზე დაყრდნობით მიიღონ.
ჩემთვის ძალიან დიდი პატივი იყო, რომ შევხვედროდი უამრავ მოსამართლეს საქართველოს მასშტაბით. ძალიან ბევრ მათგანს ჰქონდა მონაწილეობა მიღებული გაცვლით პროგრამებში, სასწავლო ტრენინგებში. ასევე, როდესაც ამერიკელი მოსამართლეები ჩამოდიან საქართველოში და სხვადასხვა ტიპის შეხვედრები იმართება საუკეთეო პრაქტიკის გაზიარებასთან დაკავშირებით.
მე რაც მოვისმინე, ყველა მათგანი დაინტერესებულია, რომ ასეთი შესაძლებლობები იყოს კიდევ უფრო მეტი, რადგან მიიჩნევენ, რომ ეს არის ძალიან ღირებული, როდესაც შეუძლიათ საკუთარი აზრები გაუზიარონ ამერიკელ მოსამართლეებს, მათგან მოისმინონ რა გამოწვევები არსებობს და როგორ შეიძლება გადალახვა. როგორც წესი, ეს არის ნაყოფიერი აზრთა გაცვლა-გამოცვლა და ემსახურება იმ ძალისხმევას, რაც მიმართულია სასამართლო სისტემის მოდერნიზებაზე… ჩვენ გავაგრძელებთ მოსამართლეთა მხარდაჭერას, რომ შეძლონ იმ გადაწყვეტილებების მიღება, რომელიც დამყარებული იქნება მტკიცებულებებზე, – თქვა ელჩმა.
გაცვლითი პროგრამით ქართველი მოსამართლეების აშშ-ში გამგზავრება აქტუალური ამს შემდეგ გახდა, რაც ნიკა გვარამიას საქმის მოსაამართლე ლაშა ჩხიკვაძე განაჩენის გამოცხადების შემდეგ აშშ- საელჩოს პროგრამიდან მოხსნეს.