“დეოლიგარქიზაცია კეზერაშვილს და ყოფილ ბანკირებს უნდა შეეხოს” – წულუკიანი

0
237

თეა წულუკიანმა დეოლიგარქიზაციასთან დაკავშირებით ოპოზიციის კამპანიას ცირკი უწოდა. მან ასევე, სახელმწიფო მტრებად ოპოზიციის ლიდერებიც მოიხსენია.

წულუკიანმა წინასწარ დაანონსა, რომ ოლიგაქრთა რეესტრში პირველი დავით კეზერაშვილი მოხვდება. ასევე, ივარაუდა, რომ “ქართული ოცნება” ოლიგარქებად მამუკა ხაზარაძეს და ბადრი ჯაფარიძესაც გამოაცხადებს, თუმცა პირდაპირ თქვა, რომ ბიძინა ივანიშვილის ოლიგარქად გამოცხადებული არცერთ შემთხვევაში არ იქნება.

დღეს ჩვენ საცირკო ხელოვნებაზე ვაცხადებთ კონკურსს და უკვე სხვა ჟანრში, ოღონდ პოლიტიკაში. ეს უკვე ემსგავსება მათი მხრიდან ცირკს, იმიტომ, რომ ერთობიან ისინი და სახელმწიფოს და ქვეყნის ბედით თამაშობენ. მათ, ვგულისხმობ ზოგიერთ ოპოზიციონერს, დეოლიგარქიზაციის კანონი კი არ უნდოდათ, მათ უნდოდათ, რეალურად, დეოცნებიზაცია, დებიძინიზაცია. ეს უნდოდათ და როცა აღმოჩნდა, რომ დეოლიგარქიზაციის კანონი შეეხება, მაგალითად, კეზერაშვილს, რომლემაც თავისივე ვრცელი განცხადებით აღიარა, რომ ის, დიახ, ოლიგარქია. შეიძლება სხვებსაც შეეხოს, ბანკირები რომ იყვნენ წარსულში და ხალხს დევნიდნენ საკუთარი სახლებიდან, ეს უკვე აღარ მოსწონთ. თუ ვინმე არის ოლიგარქი ამ ქვეყანაში, ეს არის ნებისმიერი მათი წარმომადგენელი, მაგრამ არა ბიძინა ივანიშვილი, – განაცხადა წულუკიანმა.

წინა სტატიაოჯახი 67 წლის სერიოჟა გაბედავას ეძებს
შემდეგი სტატიაქირურგი ზესტაფონში დაჭრილ 23 წლის ბიჭს უტარებდა, რა დროსაც ინფარქტი მიიღო
ტელეკომპანია ოდიშის საინფორმაციო სამსახური