ბახმუტთან მიმდინარე შეტაკებების დროს კიდევ ერთი ქართველი მებრძოლი, გ.გ. დაიღუპა, – ინფორმაციას უკრაინაში მებრძოლი ქართველი მეომრები ადასტურებენ.
იმის გამო, რომ დაღუპული მებრძოლის ოჯახს ცნობა ჯერ არ მიუღია, ვინაობას ჯერ არ ვასაჯაროვებთ – დაღუპული ქართველი ახალგაზრდა უკრაინის შეიარაღებული ძალების 25-ე სადესანტო-მოიერიშე ბრიგადის შემადგენლობაში ირიცხებოდა და უკრაინაში ფართომასშტაბიანი შეჭრის დაწყებიდანვე იბრძოდა.
გ.გ. 24 თებერვლის შემდეგ 23-ე, “მაიდნის რევოლუციიდან” დღემდე კი 37-ე ქართველია, რომელმაც უკრაინისთვის თავი გაწირა.
შეგახსენებთ, ბახმუტთან დაღუპული კიდევ ერთი მებრძოლი მიშა კაპლანი თბილისში გუშინ, 29 ოქტომბერს დაკრძალეს.