უკრაინის პრეზიდენტი, ვოლოდიმირ ზელენსკი ამბობს, რომ რუსეთს მობილიზაციის ახალი ტალღა შესაძლოა სულ მალე დასჭირდეს.
რამდენიმე შეხვედრა გავმართე სამხედროებთან – ფრონტზე არსებულ ვითარებაზე, ჩვენს აქტიურ ქმედებებთან დაკავშირებით. დღეს მტერი ავრცელებს ინფორმაციას მათი მობილიზაციის სავარაუდო დასრულების შესახებ…
მიუხედავად იმისა, რომ რუსეთი ცდილობს გაზარდოს ზეწოლა ჩვენს პოზიციებზე მობილიზებული ადამიანების გამოყენებით, ისინი იმდენად ცუდად არიან მომზადებულნი და აღჭურვილნი, იმდენად დაუნდობლად ექცევიან ბრძანების გამცემები, რომ ეს გვაძლევს საშუალებას ვივარაუდოთ, რომ რუსეთს შეიძლება, მალე დასჭირდეს ომში ხალხის ახალი ტალღის გაგზავნა.
ჩვენ ვემზადებით ამისთვის – ვემზადებით იმისთვის, რომ რუსეთის ამჟამინდელი ხელმძღვანელობა ეძებს ნებისმიერ ახალ შესაძლებლობებს ომის გასაგრძელებლად. განსაკუთრებით ირანში მისი თანამზრახველების წყალობით. სწორედ ამიტომ, ჩვენ ყოველდღიურად ვმუშაობთ ჩვენს პარტნიორებთან, რათა გავაძლიეროთ ჩვენი საჰაერო თავდაცვის, ჩვენი სხვა თავდაცვის შესაძლებლობები. დიდება ყველას, ვინც გვეხმარება თავისუფლებისთვის ბრძოლაში! უკრაინის დროშას უკრაინის ყველა კუთხეში აუცილებლად დავაბრუნებთ!, – განაცხადა ზელენსკიმ.