პარტია ,,საქართველოსთვის” ლიდერი, გიორგი გახარია ,,ქართული ოცნების” დამფუძნებელს, ბიძინა ივანიშვილს, დებატებში იწვევს. ამის შესახებ გახარიამ სოციალურ ქსელში სტატუსი გამოაქვეყნა.
პარტია ,,საქართველოსთვის” ლიდერმა ის ვიდეოკადრები გაასაჯაროვა, სადაც ასახულია, როგორ იღებს უნებართვოდ ,,ტვ იმედის” ჯგუფი მას სახლში.
გიორგი გახარია სახელისუფლებო მედიის წარმომადგენლებს მოუწოდებს, სახლში ,,უნებართვოდ დადგომის” ნაცვლად ეთერში მოიწვიონ.
TV Imedi როგორც ჩანს, ბევრი კითხვა დაგიგროვდათ. დავსხდეთ თქვენს ეთერში და ვისაუბროთ პოლიტიკურ კორუფციაზე, ოლიგარქიაზე, იმაზე, თუ როდიდან დაიწყო ქვეყნის საგარეო კურსის ცვლილება. ჩუმად სახლში დადგომას ასე სჯობს. ნებისმიერ თქვენთვის მისაღებ ფორმატში – გნებავთ იყოს დებატების ფორმატი, მეორე მხარეს ბიძინა ივანიშვილი დასვით, “ქართული ოცნების” ბოსები, ან თუნდაც მთლიანად ის, რაც ქართული ოცნებიდან დარჩა – წერს გიორგი გახარია.