ამერიკის შეერთებული შტატების პრეზიდენტი ჯო ბაიდენი აცხადებს, რომ რუსეთი წარმოუდგენლად სერიოზულ შეცდომას დაუშვებს, თუ ტაქტიკურ ბირთვულ იარაღს გამოიყენებს.
„ნება მომეცით განვაცხადო, რომ რუსეთი წარმოუდგენლად სერიოზულ შეცდომას დაუშვებს, თუ ტაქტიკურ ბირთვულ იარაღს გამოიყენებს. ეს იქნება სერიოზული, სერიოზული შეცდომა. გარანტიას ვერ მოგცემთ, რომ ეს არის ცრუ ოპერაცია, მაგრამ ეს იქნება სერიოზული, სერიოზული შეცდომა“, – აღნიშნა აშშ-ის პრეზიდენტმა.
რუსეთის თავდაცვის მინისტრმა, სერგი შოიგუმ განაცხადა, რომ უკრაინა რუსეთის წინააღმდეგ „პროვოკაციას“ გეგმავს და „ბიძნური ბომბის“ გამოყენებას აპირებს. კიევში ამბობენ, რომ ე.წ. „ბინძური ბომბის“ აფეთქებას შესაძლოა, რუსეთი გეგმავს და სურს, ეს უკრაინას დააბრალოს.