უკრაინის არმიის გენშტაბის ცნობით, ლუგანსკის ოლქის დასახლება ნოვოივანოვკაში, ზუსტი საარტილერიო დარტყმების შედეგად, განადგურებულია საბრძოლო მასალების საწყობი და “კადიროველთა” 10 ტანკი, ხოლო სვატოვოში ლიკვიდირებულია 10-მდე ოკუპანტი და განადგურებულია 5 სატვირთო ავტომობილი საბრძოლო მასალების გადატანის პროცესში. 

უკრაინის სამხედრო ავიაციამ გასულ დღე-ღამეში 21 დარტყმა განახორციელა. დადასტურებულია მტრის ცოცხალი ძალისა და ჯავშანტექნიკის თავმოყრის 21 ლოკაციის განადგურება, განადგურებულია ორი საყრდენი პუნქტი, ასევე, საზენიტო-სარაკეტო დანადგერების ორი ლოკაცია. ჰაერსაწინააღმდეგო თავდაცვის სისტემებმა 5 უპილოტო საფრენი აპარატი ჩამოაგდეს. 

არტილერიამ და სარაკეტო ძალებმა გაანადგურეს სამართავი პუნქტი, ცოცხალი ძალის თავმოყრის ორი ლოკაცია, რადიოლოკაციური სადგური და ოკუპანტების სხვა სამხედრო ობიექტები. 

ამასთან, შეგახსენებთ, რომ ლუგანსკის ოლქში, დიდი ალბათობით, ახალი “კატიოლი” მზადდება:

ლუგანსკის ოლქში ახალი “კატიოლი” მზადდება – უკრაინელთა წინსვლა გრძელდება