მთავარისიახლეებიმსოფლიორუსეთის განცხადებებს "ბინძურ ბომბზე" სტოლტენბერგიც ცრუ ბრალდებებს უწოდებს

რუსეთის განცხადებებს “ბინძურ ბომბზე” სტოლტენბერგიც ცრუ ბრალდებებს უწოდებს

Published on

NATO-ს გენერალური მდივნის იენს სტოლტენბერგი “ბინძურ ბომბზე” რუსეთის განცხადებებს ცრუ ბრალდებებს უწოდებს. თემასთან დაკავშირებით ის აშშ-სა და დიდი ბრიტანეთის თავდაცვის მინისტრებს ტელეფონით ესაუბრა.

სტოლტენბერგი წერს, რომ NATO-ს მოკავშირეები რუსეთის ბრალდებებს უარყოფენ და რუსეთმა ეს ესკალაციის საბაბად არ უნდა გამოიყენოს.

“აშშ-ის თავდაცვის მინისტრს, ლოიდ ოსტინს და გაერთიანებული სამეფოს თავდაცვის მინისტრს, ბენ უოლესს რუსეთის ცრუ ბრალდების შესახებ ვესაუბრე, თითქოს უკრაინა საკუთარ ტერიტორიაზე „ბინძური ბომბის“ გამოყენებისთვის ემზადება. NATO-ს მოკავშირეები უარყოფენ ამ ბრალდებას. რუსეთმა ეს არ უნდა გამოიყენოს ესკალაციის საბაბად. ჩვენ ურყევი ვრჩებით უკრაინის მხარდაჭერაში”, – წერს იენს სტოლტენბერგი.

23 ოქტომბერს რუსეთის თავდაცვის მინისტრი, სერგეი შოიგუ დასავლეთის რამდენიმე ქვეყნის, საფრანგეთის, თურქეთის, დიდი ბრიტანეთისა და შეერთებული შტატების თავდაცვის მინისტრებს უკრაინელების მხრიდან “ბინძური ბომბის” გამოყენებაზე ესაუბრა.

შოიგუ ამტკიცებდა, რომ უკრაინა ომში “ბინძური ბომბის” გამოყენებით გეგმავს პროვოკაციას. შოიგუს ბრალდებებს აშშ-მა, ბრიტანეთმა და საფრანგეთმა უპასუხეს და მას “ცხადი სიცრუე” უწოდეს.

სიახლეები

სასულიერო პირები მხარდაჭერას უცხადებენ მიტროპოლიტ იობს

“მივესალმები საზოგადოებას - მართლმადიდებელი ეკლესიის მრევლს. მინდა მივმართო იმ საზოგადოებას, რომელიც ეკლესიის მრევლად თვლის...

აფრიკიდან გამოსაგზავნ ბაობაბებზე სასამართლო პროცესი იანვარში გაიმართება

სამხრეთ აფრიკიდან გამოსაგზავნ ბაობაბებზე სასამართლო პროცესი იანვარში გაიმართება - სამხრეთ აფრიკული საგამოძიებო გამოცემის, Daily...

თამარ ბაჩალიაშვილის გარდაცვალების საქმის ხელახალი გამოთხოვნით ოჯახმა გენერალურ პროკურატურასთან აქცია კვლავ განაახლა

თამარ ბაჩალიაშვილის გარდაცვალების საქმის ხელახალი გამოთხოვნით ოჯახმა გენერალურ პროკურატურასთან აქცია კვლავ განაახლა. ოჯახის წევრები და...

აქციაზე დაკავებულების ოჯახის წევრები ბრიუსელში ჩავიდნენ

"თავისუფლების ხმა ციხიდან ევროპის დედაქალაქში” - აქციებზე დაკავებულების ოჯახის წევრები საქართველოს სხვადასხვა რეგიონში გამართული...