ოპოზიცია საკრებულოში რიგგარეშე სხდომას ითხოვს

0
207

ოპოზიცია რიგგარეშე საკრებულოს სხდომის მოწვევას ითხოვს. ხუთი პარტიის წევრებსა და დამოუკიდებელ დეპუტატებს კითხვები აქვთ ვაკის პარკში მომხდარ ტრაგედიასთან დაკავშირებით.

ისინი დედაქალაქის მერს, კახა კალაძეს საკრებულოში 31 ოქტომბერს 11:00 საათზე იბარებენ.

“სამარცხვინოა ყველა თანამდებობის პირი, რომელიც ტრაგედიის შემდგომ არსებულ კითხვებს გაურბის და იმისთვის რომ კითხვებს გაექცეს კანონს არღვევს. პოლიციის კორდონის თანხლებით ატარებს თბილისის მთავრობის სხდომას და ამ ფორმითაც არღვევს კანონს, თუმცა ჩვენ უნდა ვიყოთ პირნათელი თბილისელების წინაშე, კითხვები დავსვათ უსაფრთხოებაზე, კორუფციაზე და ზუსტად ამიტომ თბილისის საკრებულოს სრული შემადგენლობა, 5 ოპოზიციური პარტია და დამოუკიდებელი დეპუტატები ვითხოვთ რიგგარეშე სხდომის მოწვევას, რომელიც გაიმართება 31 ოქტომბერს 11:00 საათზე და ველოდებით, რომ ბატონი კალაძე მოვა, არ შეუშინდება იმ კითხვებს რომელიც არსებობს”, – თქვა საბა ბუაძემ.

შეგახსენებთ, 13 წლის მარიტა მეფარიშვილის სიცოცხლე სწორედ ახლადრეაბილიტირებული და წინა დღეს გახსნილი ვაკის პარკის შადრევანმა იმსხვერპლა. ბურთის ამოსატანად ჩასულ სამ ბავშვს შადრევანში დენმა დაარტყა. ექიმებმა მარიტას გადარჩენა ვერ შეძლეს. აღნიშნულთან დაკავშირებით, დაკავებულია 9 პირი.

წინა სტატიარუსეთის განცხადებებს “ბინძურ ბომბზე” სტოლტენბერგიც ცრუ ბრალდებებს უწოდებს
შემდეგი სტატიარუსეთმა უკრაინაში უკვე 68 000-ზე მეტი ჯარისკაცი დაკარგა
ტელეკომპანია ოდიშის საინფორმაციო სამსახური