უკრაინის უსაფრთხოების სამსახურმა, რუსეთისთვის ირანული შეიარაღების მიწოდებაზე გამოძიება დაიწყო

0
279

უკრაინის უსაფრთხოების სამსახურმა [SBU] სისხლის სამართლის საქმე აღძრა, უკრაინის წინააღმდეგ რუსეთის ომში ირანული თვითმფრინავებისა და რაკეტების მიწოდებასთან დაკავშირებით.

SBU-ს გამომძიებლებმა უნდა გამოავლინონ ყველა პირი, ვინც მონაწილეობდა რუსეთის ფედერაციისთვის ირანული დრონების „შაჰედ-136-ისა“ და „მოჰაჯერ-6-ის“ , ასევე მცირე რადიუსის ბალისტიკური რაკეტების „ფათეჰ-110-ისა“ და „ ზოლფაგარის“ მიწოდებაში.

გამოძიების მასალების მიხედვით, არსებობს ყველა საფუძველი იმის მტკიცებისთვის, რომ ირანის მთავრობა და თავდაცვის-სამრეწველო სფეროს წარმომადგენლები შეგნებულად ეხმარებიან რუსეთის ფედერაციას უკრაინის წინააღმდეგ ომში.

“გამოძიების მიზანია დასახელებული პირების, ამ იარაღის გადაზიდვის მეთოდისა და მარშრუტების დასახელება და დამნაშავეების პასუხისგებაში მიცემა.

ვინც ეხმარება რუსეთს მშვიდობიანი უკრაინის ქალაქებისა და სოფლების დაბომბვაში, პასუხიც უნდა აგოს რუსეთის ფედერაციის მიერ ჩადენილ სამხედრო დანაშაულებზე. არ შეიძლება შეგნებულად მიყიდო მანიაკს ბასრი დანა და მერე გაგიკვირდეს, რომ ის ხალხს კლავს.” განაცხადა SBU-ს ხელმძღვანელმა ვასილ მალიუკმა.

უსაფრთხოების სამსახურის ინფორმაციით, იმის მიუხედავად რომ რუსეთი ცდილობს, ირანული შეიარაღების წარმომავლობის შენიღბვას, ექსპერტიზებით დამტკიცდება ყველაფერი.

საქმე აღძრულია უკრაინის სისხლის სამართლის კოდექსის 111-2 მუხლის პირველი ნაწილით (აგრესორი სახელმწიფოს დახმარება), რაც ითვალისწინებს თავისუფლების აღკვეთას 12 წლამდე

წინა სტატიარუსეთის სამხედრო აგრესიის შედეგად უკრაინაში უკვე 429 ბავშვია დაიღუპა
შემდეგი სტატიასაქართველოში შემოდის “როსნეფტის” პროდუქცია – ანტიკორუფციული
ტელეკომპანია ოდიშის საინფორმაციო სამსახური