შსს-ს ოფიციალური სტატისტიკით, გასული წლის ანალოგიურ პერიოდთან შედარებით, სექტემბერში საქართველოში რუსეთიდან 511%-ით მეტი ადამიანი შემოვიდა.
კერძოდ, 2022 წლის სექტემბერში საქართველოში რუსეთიდან შემოვიდა 222 274 ადამიანი, გასულ წელს კი – 36 407. შეგახსენებთ, ე.წ. ნაწილობრივი მობილიზაციის გამოცხადების შემდეგ, რუსეთს სამხედრო გაწვევის ასაკის მქონე მოქალაქეები მასიურად ტოვებენ. გამოქცეული რუსები, ლარსზე, კილომეტრიან რიგებში დღეების განმავლობაში იდგნენ იმისათვის, რომ საქართველოში შემოსულიყვნენ.