რუსეთი ირანულ დრონებს მშვიდობიან მოსახლეობაზე დასარტყმელად იყენებს – ნედ პრაისი

0
232

შეერთებული შტატების სახელმწიფო დეპარტამენტის პრესსპიკერის, ნედ პრაისის თქმით, მსოფლიომ იცის, რომ რუსეთი ირანულ დრონებს უკრაინის მშვიდობიანი მოსახლეობისა და ინფრასტრუქტურაზე თავდასხმისთვის იყენებს.

მისი ინფორმაციით, გაერო-ს უშიშროების საბჭოს მიაწოდეს ინფორმაცია ირანიდან რუსეთში უპილოტო საფრენი აპარატების გაგზავნის მტკიცებულების შესახებ, რაც მისივე გაეროს უშიშროების საბჭო 2231 რეზოლუციას არღვევს.

“ჩვენ გამოვთქვით სერიოზული შეშფოთება რუსეთის მიერ ამ უპილოტო საფრენი აპარატების ირანიდან შეძენის გამო.

ჩვენ ახლა გვაქვს უამრავი მტკიცებულება იმისა, რომ ეს უპილოტო საფრენი აპარატები გამოიყენება უკრაინელი მშვიდობიანი მოსახლეობასა და კრიტიკულ სამოქალაქო ინფრასტრუქტურაზე დასარტყმელად.

ჩვენ არ მოგვერიდება გამოვიყენოთ ჩვენი სანქციები და სხვა შესაბამისი ინსტრუმენტები ამ ტრანსფერებში ყველა მონაწილის წინააღმდეგ”, – წერია განცხადებაში.

წინა სტატიათსუ-ს რექტორის მოვალეობის შემსრულებლად ჯაბა სამუშია აირჩიეს
შემდეგი სტატიარუსებმა ქალაქ ბურშტინში მთავარ თბოელექტროსადგურზე იერიში მიიტანეს
ტელეკომპანია ოდიშის საინფორმაციო სამსახური