10 ოქტომბრის შემდეგ, ოკუპანტებმა უკრაინის ენერგოსისტემას 300-მდე დარტყმა მიაყენეს

0
305

10 ოქტომბრის შემდეგ, რუსეთის ფედერაციამ უკრაინის ენერგოსისტემას 300-მდე დარტყმა მიაყენა, – ამის შესახებ ტელეეთერში, უკრაინის ენერგეტიკის მინისტრმა, გერმან გალუშჩენკომ განაცხადა.

“გასული ორშაბათიდან დღემდე, ჩვენ უკვე გვქონდა სულ 300 დარტყმა ენერგოსისტემაზე: რაკეტები, არტილერია და დრონები, რა თქმა უნდა, მზადება მიმდინარეობს, თუ რა უნდა გავაკეთოთ ენერგოსისტემის დრამატული დაზიანების შემთხვევაში , რომლის აღდგენას გაცილებით მეტი დრო დასჭირდება, ვიდრე ახლა ვაკეთებთ. ამ შემთხვევაში, ეს არის მთელი მექანიზმი, რომელშიც ჩართული იქნება თითქმის ყველა სახელმწიფო ორგანო, ყველა სამხედრო ადმინისტრაცია ადგილზე და ეს მიეწოდება მოქალაქეებს, რათა მათ ნათლად იცოდნენ, რა უნდა გააკეთონ ამა თუ იმ სიტუაციაში”, – ამბობს გალუშჩენკო

მინისტრმა კიდევ ერთხელ გაამახვილა ყურადღება ელექტროენერგიის დაზოგვის კრიტიკულ მნიშვნელობაზე.

მისივე თქმით, მასიური დაბომბვის პირველ დღეებში უკრაინელებმა შეძლეს ელექტროენერგიის 10%-ით შემცირება. გარდა ამისა, მნიშვნელოვანია ამ დანაზოგის მინიმუმ 20%-მდე გაზრდა.

შეგახსენებთ, რუსეთის ძირითადი სამიზნე ზამთრის მოახლოებასთან ერთად, სწორედ ენერგეტიკული ობიექტებია, რომლებსაც ისინი ირანული დრონებით ესხმიან თავს.

წინა სტატიალიზ ტრასი თანამდებობიდან გადადგა
შემდეგი სტატიამილანში ქართველმა მანეკენს 1000 ევროიანი სათვალე მოჰპარა
ტელეკომპანია ოდიშის საინფორმაციო სამსახური