ვაკის პარკში მომხდარი ტრაგედიის საქმეზე 9 პირი დააკავეს

0
245

შინაგან საქმეთა სამინისტროს ინფორმაციით, ვაკის პარკში მომხდარი ტრაგედიის საქმეზე 9 პირია დაკავებული. ინფორმაცია რამდენიმე წუთის წინ ოფიციალურად გახდა ცნობილი.
დაკავებულია ,,გრინ სერვის +”-ის” ხელძღვანელი, ლაშა ფურცხვანიძე, დაკავებულია “მშენ ექსპერტ სერვისის” დირექტორი დავით თუშიშვილი, ასევე სხვა პირები.
შეგახსენებთ, რომ მიმდინარე წლის 13 ოქტომბერს, ვაკის პარკში, შადრევანში სამი ბავშვი ბურთის ამოსატანად ჩავიდა, რა დროსაც მათ დენმა დაარტყა. ბავშვები კლინიკაში სასწრაფო დახმარების ბრიგადამ გადაიყვანა. ერთ-ერთი ბავშვის, 13 წლის გოგონას, მარიტა მეფარიშვილის მდგომარეობა თავიდანვე მძიმე იყო და ის ხეჩინაშვილის კლინიკაში გარდაიცვალა.

გამოძიება საქართველოს სისხლის სამართლის კოდექსის 240-ე პრიმა მუხლის პირველი ნაწილით დაიწყო. გამოძიების მსვლელობისას დაზუსტდა კვალიფიკაცია და გამოძიება გრძელდება სისხლის სამართლის კოდექსის 240-ე პრიმა მუხლის პირველი და მეორე ნაწილებით, რაც გულისხმობს ელექტრო ობიექტზე უსაფრთხოების წესების დარღვევას, რასაც მოჰყვა ადამიანის სიცოცხლის მოსპობა. დანაშაული 4-დან 7 წლამდე ვადით თავისუფლების აღკვეთას ითვალისწინებს.

წინა სტატიასაპარლამენტო ოპოზიციის ნაწილი ომბუდსმენის კანდიდატებზე შეთანხმდა
შემდეგი სტატიავაკის პარკის საქმეზე დაკავებულებს ბრალს დღეს წარუდგენენ
ტელეკომპანია ოდიშის საინფორმაციო სამსახური