რუსეთის ქალაქ ეისკში, სუ-34-ის ჩამოვარდნისა და საცხოვრებელ კორპუსზე დაცემის შედეგად დაღუპული მშვიდობიანი მოქალაქეების რიცხვი 13-მდე გაიზარდა, 19 დაშავდა.

კრასნოდარის მხარეში რუსული სუ-34 ჩამოვარდა და საცხოვრებელ კორპუსს დაეცა. რუსეთის ქალაქი ეისკი ტაგანროგის ყურის მარიუპოლის საპირისპირო მხარეს მდებარე ქალაქია, აეროდრომი აქვს და ხშირად დაფრინავენ იქედან უკრაინისკენ საბრძოლო მოიერიშეები და გამანადფგურებლები.

ჩამოვარდნილი SU-34 თავიდან ყველას უკრაინისკენ მიმავალი ეგონა, მაგრამ სავარაუდოდ, ასე არ არის და ეს უფრო სასწავლო ფრენა იყო. როგორც ჩანს, იმ აფეთქებებიდან გამომდინარე, რაც მოხდა, თვითმფრინავზე დიდი მუხტის მქონე ბომბი არ იყო, წინააღმდეგ შემთხვევაში მაგ სახლისგან არაფერი დარჩებოდა.

თუმცა, მშვიდობიანი მოსახლეობისთვის პრობლემების შესაქმნელად ეს საკმარისი აღმოჩნდა: საცხოვრებელ კორპუსში, რომელსაც დაეცა, ხანძარი გაჩნდა, მათ შორის, სადარბაზოებიც იწვოდა, იქ მცხოვრები ადამიანები გარეთ გასვლას ვერ ახერხებდნენ, ზოგი გადმოხტა, ზოგმა ალი ჩაყლაპა, ზოგი კვამლით გაიგუდა – წუხელ 6 ადამიანის დაღუპვაზე იყო ცნობა, დილისთვის კი ეს მონაცემები გაიზარდა და ირკვევა, რომ სულ 13 ადამიანი დაიღუპა, რუსი პილოტები კი კატაპულტირებით გადარჩნენ.